مراحل نمو الديونجي

--------------------------------------------------------------------------------
السلام عليكم
حبايبي الدواوين ، عمره حدا فيكم سأل حاله هالسؤال، شو هي بدايات العضو الديونجي و كيف يتطور؟؟ حقيقةً هاظ سؤال بطرح نفسه( حشري بزق حاله زق في القعدة)
مين فيكم سمع ب علي هبلّو ( في مسرحية الزعيم) شخصية اسطورية من المستوى الرابع ،بيعملوا عليه تجارب عشان يثبتوا انه اصل الانسان جلدة حنفية
ما علينا خلينا بتطور الديونجي و سيبنا من تطور علي هبلّو ، و اليكم المراحل التي يمر بها المحجوب :


باحث على جوجل: بكون في هذه الحالة قاعد في كوفي نت و مش عارف شو بده يعمل المهم انه قاعد مثل هالناس في نادي انترنت و بنتنت( فعل مشتق من نت تصريفاته : نتنتَ ينتنتُ) و في هذه الحالة ما بتشوفه الا كتب على جوجل دواوين و على بحث و بقدرة قادر بلاقي حاله في ديونجيات و بقرأ هالمواضيع الشطب اللي نازلة و بسخسخ على حاله من الضحك لدرجة انه اللي في الكوفي نت حواليه بفكروه هبيلة .
قارئ مدمن: بعد المرحلة الاولى يتحول هظاك( يعني ذلك ) القارئ الى واحد مهتم بدواوين و قصص الدواوين و بصير ينزل على النت خصوصي عشان يضحك ( يسخسخ) و قد تستمر هذه المرحلة طويلاً.
رداد ( كاتب ردود): في هذه المرحلة بتعنّ على بال هالقارئ( يعني بخطر في باله) انه يرد على المواضيع و البوستات اللي بقرأها ، عشان هيك بسجل في المنتدى ب اسم الله اعلم من وين جايبه ( و يا حبيبي اذا طلع مثلي من جماعة رد لكل موضوع او من جماعة اول رد محجوز)
كاتب مبتدئ: في هذه المرحلة بقرر هظاك القارئ انه يصير يكتب هبلاته و قصصه اللي بتخزي في المنتدى( مثل قصصي انا ما حدا يزعل) و بقول ما حدا احسن من حدا ، خلينا نعمل زي غيرنا و ما بتشوفه الا كتبلك اول بوست و غالبا بكون لاطشه من منتدى ثاني او من ايميله ( و هون بتلاقيه على اعصابه بيستنى بالردود على موضوعه و ما بهدى الا لما يشوف اول رد ) و بعدها بصير يرش مواضيع في المنتدى)
كاتب مولع: هاظ اللي بتصير الكتابة بدمه و حاجز شلة ردادين من زباينه بردوا على مواضيعه و بكونوا يشتغلوا غالبا على مبدأ حكلي بحكلك
كاتب متميز( من الاوائل): و هون بكون قد حصل على عضو متميز او افضل موضوع و بتلاقي هالوسام ابو ذنبة موجود دايما في اخر توقيعه .
العضو الاحمر: هذه الشغلة اللي قصتها غير ( انا شايف ناس لونهم صار احمر ، كيف ؟؟ الله اعلم )
قباض الرواح:هون عاد بصير من ضمن الحكومة ،و بصيراسمه على يمين الصفحة ملعلع مثل ما هو اسمي ، و يا ويل اللي بغلط برد او بوست قدامه ، دغري ما عنده غير خيارين اما بقفل البوست بالشمع الاحمر او بحذفه و في كلا الحالتين بعطيك باند ( الله يجيرنا)
العضو الشطب: بتلاقيه هسه قاعد بقرا بالموضوع هاظ و بفكر انه ضايل مراحل تانية في الموضوع ، خلص خلصنا شو بس بدكم واحد يضل يخرفكم قصص